डडेल्धुराको अजयमेरु गाउँपालिकाले आफ्नै गान र लोगो बनाउने

डडेल्धुरा: डडेल्धुराको अजयमेरु गाउँपालिकाले आफ्नै पालिका गान र लोगो तयार गर्ने भएको छ । अजयमेरुको पहिचान झल्किने गरी गाउँपालिकाले लोगो र गान तयार गर्न लागेको हो ।

गाउँपालिकाले पालिका गान र लोगो तयार गर्नका लागि गीतकार तथा कलाकार छनोट गर्न प्रक्रिया थालेको छ । इच्छुक गीतकार तथा कलाकारलाई पालिकाको गान र लोगो तयार गर्न गाउँपालिकाले बिहीबार सार्वजनिक सूचना जारी गरी आह्वान गरेको छ ।

भदौ ११ गतेसम्म गाउँपालिकाको कार्यालयमा गाउँपालिकाको लोगो तथा गानको रचना गरी छुट्टाछुट्टै शिलबन्दी खाम पेश गर्न आह्वान गरिएको गाउँपालिकाका अध्यक्ष उमेशप्रसाद भट्ट ‘विकास’ले बताए।

sanke

पालिकाको सामाजिक, आर्थिक, भौगोलिक, धार्मिक, ऐतिहासिक, भाषिक, साँस्कृतिक तथा पर्यटकीय मौलिक विशिष्टता झल्किने गरी पालिका गान तथा लोगो तयार गर्न खुला रूपमा आह्वान गरिएको निमित्त प्रमुख प्रशासकीय अधिकृत लालबहादुर सेटीले जानकारी दिए।

उनका अनुसार पालिका गान घटीमा ५० शब्द र बढीमा ६० शब्द हुनुपर्नेछ। पालिकाको लोगो नेपालको राष्ट्रिय लोगोकै आकारमा गाउँपालिकाको मौलिक विशिष्टता झल्कने हुनुपर्ने र पालिकाको गान र लोगोको मूल्याङ्कन छनोट समितिबाट गरिने उपाध्यक्ष बसन्ती पालले बताईन् । रचनाकारले पालिका गान र लोगोमध्ये कुनै एक वा दुवै विद्यामा प्रतिस्पर्धा गर्न पाउनेछन्।

गाउँपालिकाले जारी गरेको सूचना :

Leave A Reply

Your email address will not be published.