डडेल्धुरा :
नेकपा एकीकृत समाजवादी डडेल्धुराका नेता राजेन्द्र मगर नेपाली कांग्रेसमा प्रवेश गरेका छन् । उनलाई पूर्वप्रधानमन्त्री तथा नेपाली कांग्रेसका सभापति शेरबहादुर देउवा र केन्द्रीय सदस्य आरजु राणा देउवाले खादा लगाएर पार्टीमा स्वागत गरेका छन् ।
पार्टी सभापति देउवाले मगरलाई पार्टीको सदस्यता पनि प्रदान गरे । मगर अनेरास्ववियूका पूर्व जिल्ला संयोजक हुन् भने नेकपा एमालेमा हुँदा जिल्ला कमिटी सदस्य थिए । एकीकृत समाजवादीका सचिवालय सदस्य रहेका मगर जिल्ला खेलकुद विकास समिति डडेल्धुराका पूर्वअध्यक्ष पनि हुन् ।
