बैतडी:
बैतडीमा गाउँपालिका उपाध्यक्षलाई कार्यकक्षमै कुटपिट गरिएको छ। जिल्लाको पञ्चेश्वर गाउँपालिकाकी उपाध्यक्ष विना भट्टमाथि कुटपिट भएको हो।
नेकपा एमाले बैतडी जिल्ला कमिटी सचिवालय सदस्य भट्टले आफूमाथि गाउँपालिकाको वडा नम्बर ३ बस्ने दिपक बहादुर चन्दले कुटपिट गरेको दाबी गरेकी छन् । २५ गते दिउँसो ३ बजेर २० मिनेटको समयमा बिधुतिकरणको विषयमा विवाद गर्दै चन्दले मादक पदार्थ सेवन गरि कार्यकक्षमै आएर कुटपिट गरेको उनको आरोप छ ।
कुर्सीमा बसेको बेला मलाई लछारपछार गरि हातमा लिएको फलामको प्लासले आफूलाई कुटपिट गरेको उनले गाउँपालिका महासंघलाई न्यायका लागि लेखेको निवेदनमा उल्लेख छ ।
उपाध्यक्ष भट्टले ज्यान मार्ने धम्कीसमेत दिएको हुदाँ निजमाथि आवश्यक छानविन गरि गराई कारबाहीका लागि गाउँपालिका राष्ट्रिय महासंघ नेपाललाई निवेदन दिएकी छन्।
