बैतडी:
५९ औ राष्ट्रीय बाल दिवसको अबसरमा बैतडीको पाटन नगरपालिकाले हाजिरीजवाफ प्रतियोगिताको आयोजना गरेको छ । नगरस्तरिय हाजिरीजवाफ प्रतियोगितामा गुजर मावि पाटन नगरपालिका-३ ले १५ अंकका साथ प्रथम स्थान हात परेकाे छ ।
१० बिद्यालय सहभागी प्रतियोगितामा सिद्धेश्वर मावि पाटन नगरपालिका ९ हुक्केडाडा १४ अंकसहित दितीय, ज्ञानेश्वर मावि विजयपुर १२ अंकका साथ तृत्तीय र १० अंक ल्याएर सिद्धेश्वर मावि पाटन नगरपालिका १ मेल्चौराले चौथो स्थान प्राप्त गर्न सफल भएको छ ।
प्रथम, दित्तीय, तृत्तीय र चौथो हुने बिद्यालयका छात्रा छात्राहरुले क्रमसः १ हजार ५ सय, १ हजार, ७ सय ५० र ५ सय नगदसिहत मेडल र प्रमाणपत्र प्राप्त गरेका छन् ।
पाटन नगरपालिकाले रुडेस, अक्सफोम, युवालय, र वामलगायतका संस्थाको सहयोगमा कार्यक्रमको आयोजना गरेको महिला, बालबालिका तथा जेष्ठ नागरिक शाखा प्रमुख विष्ना भण्डारी बिष्टले बताईन् ।
