बैतडी : बैतडी पाटनमा जिपले मोटरसाइकललाई ठक्कर दिदाँ २ जना घाइते भएका छन् । जिल्लाकाे पाटन नगरपालिका-६ को हिरापुर नजिकै जिपले मोटरसाइकललाई ठक्कर दिदाँ २ जना घाइते भएका हुन् ।
खोडपेबाट बैतडी सदरमुकाम गोठलापानीतर्फ गइरहेको बा २ ग २२६२ नम्बरको मोटरसाइकललाई गोठलापानीबाट खोडपे तर्फ आउदै गरेको म १ ज २२७ नम्बरको जिपले ठक्कर दिदा मोटरसाइकल भिरमा खस्नगई दुर्घटना भएको हो । मोटरसाइकलमा सवार कृषि ज्ञान केन्द्र बैतडीमा कार्यरत कन्चनपुरको भिमदत्त नगरपालिका घर भएका नरेन्द्र बहादुर चन्द गम्भिर घाइते भएका छन् ।
मोटरसाइकल चालक कृष्ण पाण्डेय समान्य घाइते भएका छन् । घाइते दुबैको पाटन प्राथमिक स्वास्थ्य केन्द्रमा उपचार भइरहेको छ । गम्भिर घाइते भएका चन्द रेफर गर्ने तयारी भइरहेको प्रहरीले जनाएको छ ।
मोटरसाइकल करिब ४० मिटर तल खसेको छ । ठक्कर दिने जिप र चालकलाई नियन्त्रणमा लिइएको
