काठमाडौँ :
जाजरकोट लगायत आसपासका क्षेत्रमा ४ बजेर ३१ मिनेटमा पुन: ठूलो भूकम्पको झट्का महसुस भएको छ । राष्ट्रिय भूकम्प मापन केन्द्रका अनुसार भूकम्पको तिव्रता ५.८ म्याग्निच्युड मापन गरिएको छ । पहिलो पराकम्प महसुस भएको ९ मिनेटपछि ४ बजेर ४० मिनेटमा जाजरकोटकै पैंक केन्द्रविन्दु भएर ४.५ म्याग्निच्युडको अर्को झट्का महसुस गरिएको छ ।
जाजरकोट रामीडाँडा केन्द्रविन्दु भएर पुन: ५.८ म्याग्निच्युडको भूकम्प [अपडेट]
त्यहाँ रिपोर्टिङमा रहेका संवाद्दाताहरूका अनुसार भूकम्पको झट्का महसुस भएसँगै त्यहाँका मानिसहरू त्रसित भएका छन् ।
रूकुमका संवाददाता महेश केसीका अनुसार पराकम्पका कारण उनले रिपोर्टिङ गरिरहेको स्थानबाट परिपट्टीको डाँडामा पहिरो गएको देखिएको छ ।
जाजरकोटमा रहेका फोटोपत्रकार अंगद ढकालका अनुसार केही समयको अन्तरालमा दुई ठूलो भूकम्पको झट्का महसुस गरिएको छ ।
थप विवरण प्राप्त हुँदै….
