शैक्षिक गुणस्तर सुधार लागि नवदुर्गामा अतिरिक्त कक्षा सञ्चालन

डडेल्धुरा:

डडेल्धुराको नवदुर्गा गाउँपालिकाले शैक्षिक गुणस्तर सुधारका लागि सामुदायिक विद्यालयमा अतिरिक्त कक्षा सञ्चालन गरेको छ। गाउँपालिकाले पालिकाअन्तर्गत कक्षा ८ र १० मा अध्ययनरत छात्रछात्राहरूको शैक्षिक अवस्थामा सुधार ल्याउने उद्देश्यले मंगलबारदेखि ट्युसन कक्षा सञ्चालन गरेको हो।

पालिका भित्र रहेका कक्षा ८ र १० मा पढ्ने विद्यार्थीका लागि अतिरिक्त कक्षाको व्यवस्था मिलाइएको गाउँपालिका अध्यक्ष लक्ष्मीप्रसाद अवस्थीले जानकारी दिए। उनका अनुसार अंग्रेजी, गणित र विज्ञान विषयको अतिरिक्त कक्षा सञ्चालन हुने छ।

गाउँपालिकाले अतिरिक्त कक्षा पढाउने शिक्षकलाई नगद प्रोत्साहन दिने भएको गाउँपालिका उपाध्यक्ष निर्मला बोगटी बिष्टले बताइन् । अतिरिक्त कक्षामा अध्यापन गराएबाफत शिक्षकलाई एक विषयको प्रति विद्यार्थी तीन सय रुपैयाँ उपलब्ध गराउने गाउँपालिका उपाध्यक्ष निर्मला बोगटी बिष्टले बताइन् ।  उनले मंगलबारदेखि सुरु भएको अतिरिक्त कक्षा वार्षिक परीक्षासम्म सञ्चालन हुने बताए।

गाउँपालिकाभित्र आधारभूत (१–८) र माध्यमिक विद्यालय ७/७ वटा रहेका छन्। अतिरिक्त कक्षाको शिक्षा शाखा र जनप्रतिनिधिले अनुगमन गर्ने छन्।  सोमबार गाउँपालिका अध्यक्ष, उपाध्यक्ष, वडाध्यक्ष, विद्यालयका प्रधानाध्यापक, विद्यालय व्यवस्थापन समितिका अध्यक्षलगायतको उपस्थितिमा बसेको बैठकले अतिरिक्त कक्षा सञ्चालन गर्ने निर्णय गरेको थियो।

Leave A Reply

Your email address will not be published.