डडेल्धुरा :
डडेल्धुराको अजयमेरु गाउँपालिकामा नि:शुल्क आँखा अप्रेसन सिविर सम्पन्न भएको छ । स्वास्थ्य शिविरमा आँखाको अप्रेस गर्नु पर्ने देखिएका ४९ जनाको अप्रेसन शिविरमार्फत अप्रेसन गरिएको हो ।
अजयमेरु गाउपालिकाको आयोजना र च्यारिटी हेल्थ फाउन्डेसनको प्राबिधिक सहयोगमा नि:शुल्क आँखा अप्रेसन शिविरमा ४९ जनाको अप्रेसन र २९ जनालाई नि:शुल्क चस्मा वितरण गरिएको अजयमेरु स्वास्थ्य शाखा प्रमुख गणेश पालले बताए ।
गाउँपालिकाको केन्द्र भद्रपुरमा अप्रेसन शिविर सम्पन्न गरिएको हो ।