डडेल्धुरा : नेपाल पत्रकार महासंघ डडेल्धुरा शाखाले नयाँ कार्यसमितिको प्रमाण पत्र वितरण तथा सफथ ग्रहण कार्यक्रम सम्पन्न भएको छ । अध्यक्षमा निर्वाचिन हिक्मतबहादुर सिंह नेतृत्वको नयाँ कार्यसमितिले सफथ ग्रहण गरेको निर्वाचन समितिका संयोजक बाबुराम श्रेष्ठले बताए ।
प्रेस यूनियन र प्रेस चौतारी नेपालका साझ उम्मेदवार पुष्कर भण्डारीलाई एक मतले हराउँदै सिंह अध्यक्षमा विजयी भएका हुन्।
नेपाली कांग्रेसका सभापति एवं पूर्वप्रधानमन्त्री शेरबहादुर देउवाको गृहजिल्लामा समाजवादी प्रेस संगठन र प्रेस सेन्टर नेपालका उम्मेदवार सिंहले ३२ मत ल्याएका थिए।
उनका प्रतिद्वन्द्वी भण्डारीले ३१ मत पाए। जिल्ला कार्यसमितिको उपाध्यक्षमा गणेश रोका २४ मत प्राप्त गर्दा प्रेस सेन्टरका ललितसिंह बोहरा ३९ मत प्राप्त गरेर विजयी भएका छन्। सिंह समाजवादी प्रेस संगठन प्रदेश अध्यक्ष हुन् भने प्रेस सेन्टर नेपालका सुदूरपश्चिम प्रदेश सदस्य हुन् ।
यस्तै महिला उपाध्यक्षमा पार्वतीकुमारी बोहरा विजयी भएकी छिन्। उनले ३४ मत पाइन्। उनकी प्रतिद्वन्द्वी लक्ष्मी ऐरले २७ मत ल्याइन्।
समितिको सचिवमा भीमबहादुर खत्री ३६ मत ल्याएर विजयी भएका छन्। उनका प्रतिद्वन्द्वी राजेन्द्र ठगुन्नाले २७ मत पाए। सहसचिव समावेशीमा राधा फुलारालाई हराउँदै विमल जैरु विजयी भएका छन्।
जैरुले ३३ मत ल्याउँदा फुलाराले ३० मत पाइन्। जिल्ला कार्यसमितिको सहसचिवमा भानबहादुर विक (३०) लाई टीकाराम साउद (३३) विजयी भएका छन्।
यसैगरी कोषाध्यक्षमा पदमबहादुर जोरा (२५) लाई पराजित गर्दै भक्तबहादुर गाहा (३७) विजयी भएका छन्।
समितिको खुला सदस्यमा शेरबहादुर भण्डारी (३८), अर्जुन धामी (३६), विमलप्रसाद बोहरा (३४), दीपकराज भट्ट (३३), कमला शाही (३२) मत ल्याएर विजयी भएका छन्।
महिला सदस्यमा पदमाकुमारी साउद र ललिताकुमारी रावलले समान ३१ र ३१ मत पाएका छन्। दलित सदस्यमा रूपा दमाई र जनजाति सदस्यमा भावना थापामगर यसअघि नै निर्विरोध भइसकेका छन्।
शुक्रबार भएको निर्वाचनमा शाखामा रहेका कूल ६४ मतदातामध्य ६३ मत खसेको थियो। सिंह योभन्दा अगाडि पनि पत्रकार महासंघ डडेल्धुरा, शाखाको अध्यक्ष थिए।
